د کابل ښاروالۍ له لوري له درېیم سړک څخه د کارته نو تر تپې پورې د سړک د فرعي لیکو د جوړولو پر وړاندې د استملاکي ملکیتونو او نورو خنډونو د پاکولو چارې روانې دي. ټاکل شوې ده دیاد سړک دواړو خواوو ته د پاتې برخې فرعي لیکې د (۲۵۱۸) مترو په اوږدوالي، د (۹.۷ او ۱۱.۶) مترو په سور سره د لښتیو، پلو لارو او ګلدانونو په ګډون د (۶۰) میلیونه افغانیو په لګښت جوړې شي. د دغو فرعي لیکو په اوږدو کې (۱۵۸) ملکیتونه تر استملاک لاندې دي چې، د استملاک قانون له مخې به یې مالکانو ته بدیل حقونه ورکړل شي. د یادو فرعي سړکونو په جوړېدو سره به ترافیکي ګڼه ګوڼه کمه او ورڅېرمه سیمو اقتصادي ودې ته به زمینه براره شي