د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د اتمې ناحیې اړوند ۲۵م ګذر د غیبي بابا په سیمه کې د (۳) کوڅو د جوړولو چارې روانې دي. دغه کوڅې چې په ټولیزه توګه (۱۰۷۵) متره اوږدوالی، ( ۳.۵ او ۴) متره سور لري، د لښتیو په ګډون یې چارې تر دې دمه (۳۵) سلنه مخته تللې دي او ټاکل شوې ده د یوې میاشتې په موده کې بشپړې او ګټې اخیستنې ته وسپارل شي. د دغو دوو کوڅو په جوړېدو سره به د سیمې د اوسېدونکو پر وړاندې شته موسمي ستونزې حل او ګڼ شمېر ټولنیزو او ترانسپورټي آسانتیاوو ته به لاس رسی ومومي. د یادونې وړ ده چې، په دې پروژه کې یو شمېر هېوادوالو ته د کار زمینه هم برابره شوې ده