د اوومې ناحیې اړوند د ده دانا له بازار څخه د چهلستون تر سړک پورې د ۱۳۴۸ مترو په اوږدوالي او د ۳۰ مترو په سور سره د نوي سړک د جوړولو چارې روانې دي او ټاکل شوې ده د روان کال په بهیر کې بشپړې شي. د سړک جوړولو په دې پروژه کې د کانالونو، لښتیو، پلو لارو، ګلدانونو جوړول او د یوه معیاري سړک نور جزئیات هم په پام کې نیول شوي دي. د کابل ښاروالۍ د برنامو او پروژو د تنظیم ریاست انجینران به د کار د ښه کیفیت د تظمین او په ټاکلې موده کې د دغې پروژې د بشپړیدو په موخه، خپلې فني او تخنیکي څارنې ترسره کوي