د کابل ښاروالۍ له لوري د دولسمې ناحیې اړوند له محبس څلورلارې څخه تر سلیم کاروان سړک پورې د ۲۰۰۹ مترو په اوږدوالي او د ۲۴. ۳۰ او ۴۰ مترو په سور سره د نوي سړک د جوړولو چارې روانې دي. دا سړک به د لښتیو، پلو لارو، د بایسکل چلولو لیکو، ګلدانونو، کرښې اچولو، ترافیکي نښو نصبولو او د یوه معیاري سړک د نورو برخو په ګډون جوړ او د روان کال په بهیر کې به ګټې اخیستنې ته وسپارل شي. اوس مهال په ۳ برخو کې د یاد سړک د کېندنو، خاورو لېږدولو او هوارولو چارې روانې دي