د دیارلسمې ناحیې اړوند له امید سبز ښارګوټي څخه تر عرفاني سړک( برچي سیمې) او پر دوام یې تر قلعه قاضي پورې د دوه سړکونو د جوړولو پر وړاندې د شته استملاکي خنډونو د پاکولو چارې روانې دي او ورته مهال د یادو سړکونو بنسټیزې او د خاورو لېږدولو چارې هم پیل شوې دي. ټاکل شوي ده د امید سبز ښارګوټي له اصلي سړک څخه تر عرفاني سړک سړک پورې سړک د ۳۸۳۴ مترو په اوږدوالي او د ۴۵ مترو په سور او پر دوام یې د حلقوي سړک تر اوږدو یا قلعه قاضي سیمې پورې سړک د ۱۱۴۶ مترو په اوږدوالي او د ۲۰ مترو په سور سره تر راتلونکو ۱۵ میاشتو پورې په بنسټیزه توګه جوړ شي. د دې سړکونو په جوړېدو سره به د کابل ښار د لوېدیځي برخې اقتصادي ودې ته زمینه برابره او ښاریانو ته به د تګ راتګ په برخو کې ګڼې آسانتیاوې رامنځته شي