د کابل ښاروالۍ د کار ساتنې او مراقبت ریاست له لوري د شپږمې ناحیې اړوند په کارته سه سیمه کې د ۵ فرعي سړکونو د جوړولو چارې روانې دي. د یادې پروژې د مسئول انجنیر اڅکزي امین په وینا؛ دا سړکونه په ټولیزه توګه ۱۱۲۸ متره اوږدوالی او له ۱۶ څخه تر ۲۰ مترو پورې سور لري چې، چارې به یې د لښتیو په ګډون د ۴ میاشتو په موده کې په معیاري توګه بشپړې شي. د نوموړي په وینا؛ اوس مهال د یادو سړکونو د کېندنو او د لښتیو جوړولو چارې روانې دي ترڅو تر راتلونکې یوې میاشتې پورې قیر چارو ته چمتو شي. د دې سړکونو په جوړېدو سره به د ترافیکي بهیر د ویش سربېره د سیمې اوسېدونکو ته ګڼې ښاري او ترانسپورتي آسانتیاوې رامنځته شي