د درېیمې ناحیې اړوند له دهمزنګ څخه تر کوټه سنګي( میرویس میدان) پورې د سړک د جوړولو او پراختیا چارې چې، څه موده وړاندې د کابل ښاروالۍ له لوري پیل شوې وې، (۲۰) سلنه مخته تللې او هڅه کیږي چې، د روان کال تر پایه بشپړې او ګټې اخیستنې ته وسپارل شي. د کابل ښاروالۍ د برنامو او پروژو د تنظیم ریاست د مسئولینو په وینا؛ دغه سړک د (۳۲۲۶) مترو په اوږدوالي او د (۳۰) مترو په سور سره د یوه معیاري سړک د ټولو برخو په ګډون جوړېږي، چې اوس مهال یې د بنسټیزې برخې په جوړولو کار روان دی ترڅو هرڅه ژر قیر کولو ته چمتو شي. له دهمزنګ څخه تر میرویس میدان پورې د سړک جوړول او پراختیا د کابل ښاروالۍ لومړیتوب دی او ډېر ژر به تر جوی شیر پورې دوام ورکړل شي. د دې سړک په جوړېدو سره به د کابل ښار معیاري اقتصادي ودې ته زمینه برابره او په ترافیکي ګڼه ګوڼه کې به د پام وړ کمښت راشي