د کابل ښاروالۍ د کار، ساتنې او مراقبت ریاست له خوا د پنځمې او دیارلسمې ناحیو ترمنځ د کمپنۍ- برچي نښلوونکي سړک دویمه طبقه قیر چارې پیل شوې. دغه سړک چې د پنځمې ناحیې له قلعه ناظر سیمې څخه د دیارلسمې ناحیې د نخاس تر حمام پورې (۲۲۷۴) متره اوږدوالی او (۳۰) متره سور لري، د بشپړېدو په حال کې دی. دغه راز د یاد سړک په اوږدو کې د موټرو د تګ راتګ لپاره د (۲۰) مترو په اوږدوالي او (۲۰) مترو په سور سره په دوه لینونو کې د یوه پله د جوړولو چارې هم روانې دي. د یاد سړک په جوړېدو سره به له یوې خوا د پل سوخته سیمې په ترافیکي ګڼه ګوڼه کې د پام وړ کمښت راشي او له بلې خوا به د سیمې اقتصادي ودې ته زمینه برابره شي