د ښاري ښکلا د رامنځته کولو په موخه، د کابل ښاروالۍ د زرغونتیا ریاست له لوري د صدارت څلورلارې د سړک منځ ګلدان بیا ورغول شو او د لا ښکلا په موخه یې ګټور کارونه ترسره شول. په یاد ګلدان کې د کرنیزې خاورې اچولو، د ونو چونه کاري د چمن او ګلانو کرلو چارې ترسره شوې چې، ورسره جوخت د سیمې په ښکلا او زرغونتیا کې مثبت بدلون رامنځته شوی دی. د کابل ښاروالۍ د زرغونتیا ریاست کارکوونکي د ښار په کچه له ګلدانونو څخه د اضافي بوټو په ایستلو، د ونو په چونه کارۍ، د ګلانو په کرلو او د ونو او زرغونو سیمو په خړوبولو او په همدې توګه د یاد ریاست اړوند قوریو کې د زینتي بوټو او ګلانو په روزلو بوخت دي چې، په راتلونکې کې به د ښار په زرغونتیا او ښکلا کې ترې ګټه پورته کړل شي