د کابل ښاروالۍ د کار، ساتنې او مراقبت ریاست له لوري، د هوايي ډګر او هنګرها څلورلارو ترمنځ د غځېدلي سړک د زیانمنو برخو د بیارغونې چارې چې، څه موده وړاندې پیل شوې وې، په بنسټیزه توګه بشپړې شوې. دغه کار تر تخنیکي او فني مطالعاتو وروسته له پرمختللې ماشینرۍ څخه په ګټه اخیستلو په معیاري توګه ترسره شوی. د ښار په کچه هغه سړکونه چې، د وخت په تېرېدو یې ځني برخې زیانمنې او ویجاړې شوې دي، تر تخنیکي او فني مطالعاتو وروسته به یې د بیارغونې چارې ترسره شي، ځکه دا کار د عامه تاسیساتو د ساتنې په برخه کې ځانګړی ارزښت لري