ښاریانو ته د ترانسپورتي آسانتیاوو رامنځته کولو په موخه، د دولسمې ناحیې اړوند د احمدشاه بابا مېنې د دویم بلاک له ګولایۍ څخه د امنیت ښارګوټي تر سړک پورې د (۷۲۸) مترو په اوږدوالي او (۴۰) مترو په سور سره د نوي نښلوونکي سړک د جوړولو چارې پیل شوې. د کابل ښاروالۍ د ښاري زیربناوو ریاست د ډیزاین له مخې؛ دغه سړک به د نښلوونکو کانالونو، لښتیو، پلو لارو، ګلدانونو، د بایسکل چلولو لیکو، کرښو اچولو او د یوه معیاري سړک د نورو برخو په ګډون د روان کال تر پایه په بنسټیزه توګه جوړ شي، چې ورسره جوخت به د سیمې د اوسېدونکو موسمي ستونزې حل او د سیمې اقتصادي ودې ته به زمینه برابره شي