د اوومې ناحیې اړوند د ده دانا له بازار څخه د چهلستون تر سړک پورې د ۱۳۴۸ مترو په اوږدوالي او د ۳۰ مترو په سور سره د نوي سړک د جوړولو چارې په چټکۍ سره روانې دي او ټاکل شوې د روان کال په بهیر کې بشپړې او ګټې اخیستنې ته وسپارل شي. د کابل ښاروالۍ د پروګرامونو او پروژو د تنظیم ریاست د معلوماتو له مخې؛ د سړک جوړولو دا پروژه کانالونه، لښتي، پلې لارې، ګلدانونه او د یوه معیاري سړک نور جزئیات په بر کې نیسي. د کابل ښاروالۍ انجنیران د دې پروژې له چارو څخه په بېلابېلو پړاوونو کې فني او تخنیکي څارنې ترسره کوي