د ښاري سیمو د اقتصادي ودې او ترانسپورتي آسانتیاوو ته د ښاریانو د لاس رسي په موخه، د اوومې ناحیې اړوند د پډولې په سیمه کې د (۶۵۷) مترو په اوږدوالي او (۳۰) مترو په سور سره د یوه سړک د جوړولو چارې روانې دي. د کابل ښاروالۍ د برنامو او پروژو د تنظیم ریاست د معلوماتو پر بنسټ؛ د سړک جوړولو په دغه پروژه کې د لښتي، پلو لارو، د سړک د منځ ګلدان جوړول، د روښنایي څراغونو نصبول او د یوه معیاري سړک نورې برخې شاملې دي چې، چارې به یې د روان کال په بهیر کې بشپړې شي. د دې سړک په جوړېدو سره به د سیمې اوسېدونکي ترانسپورټي او ټولنیزو آسانتیاوو ته لاس رسی ومومي