د کابل ښاروالۍ د کار، ساتنې او مراقبت ریاست له لوري د سلطان محمود غزنوي سړک د بیارغونې چارو پر دوام، د هنګرها څلورلارې او د تایمني پروژې د پنځم سړک ترمنځ د سړک زیانمنو برخو د بیارغونې چارې روانې دي. د سړکونو د بیارغونې د آمر انجنیر شریف الله قادري په وینا؛ د یاد سړک ځني برخې چې، د وخت په تېرېدو سره زیانمنې شوې دي، تر تخنیکي او فني مطالعاتو وروسته په معیاري توګه بیا ځلي قیر کیږي. د عامه ښاري تاسیساتو د ساتنې په موخه، د ښار په کچه هغه سړکونه چې بیارغونې ته اړتیا ولري، یو پر بل پسې به په معیاري توګه بیا ورغول شي