د اتمې ناحیې اړوند د ۲۴م ګذر په قلعه برقي سیمه کې د (۹۸۲) مترو په اوږدوالي او له (۴.۵) څخه تر(۵) مترو په سور سره د دوو فرعي سړکونو د جوړولو چارې د بشپړېدو په حال کې دي. په دغه پروژه کې چې چارې یې تر دې دمه (۹۵) سلنه بشپړې شوې، د لښتي جوړول هم شامل دي او ټاکل شوې ده تر راتلونکې یوې اونۍ پورې بشپړې شي. دغه پروژه د ښاریانو د ستونزو د حل او د کاري بوختیاوو رامنځته کولو په موخه، د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته د پلې کېدو په حال کې ده