د کابل ښاروالۍ د کار ساتنې او مراقبت ریاست له لوري د شپږمې ناحیې په لومړي ګذر کې د ۱۱۲۸ مترو په اوږدوالي او له ۱۶ څخه تر ۲۰ مترو په سور سره د پنځو فرعي سړکونو د جوړولو چارې روانې دي. دا پروژه لښتي او پلې لارې هم په بر کې نیسي چې، چارې به یې تر راتلونکو (۳) میاشتو پورې په بنسټیزه توګه بشپړې او ګټې اخیستنې ته به وسپارل شي. د دې سړکونو په جوړېدو سره به د ورڅېرمه سیمو ترافیکي بهیر ووېشل شي او په همدې توګه د سیمې اوسېدونکو ته یو شمېر ټولنیزې او ښاري آسانتیاوې رامنځته شي