د څلورمې او اوولسمې ناحیې اړوند د سرای شمالي او نادریې لېسې د څلورلارو تر منځ، د (۳۲۸۹) مترو په اوږدوالي، د (۲۰) او (۳۰) مترو په سور سره د بادام باغ سړک د جوړولو او پراختیا چارې روانې دي. د یاد سړک د بنسټیزې برخې د جوړولو چارې ښه پرمختګ لري او ډېر ژر به قیر کولو ته چمتو شي. د سړک جوړونې په دې پروژه کې د لښتيو، سړک منځ ګلدانونو، پلو لارو جوړول، د څراغونو نصبول او کرښې اچول شامل دي چې، چارې به یې د روان کال په بهیر کې بشپړې او ګټې اخیستنې ته وسپارل شي