د دولسمې ناحیې اړوند د احمد شاه بابا مېنې له ګولایي څخه د امنیت ښارګوټي تر سړک پورې د یوه کانال په ګډون د نوي نښلوونکي سړک د جوړولو چارې روانې دي او ټاکل شوې ده تر راتلونکو (۹) میاشتو پورې بشپړې شي. دغه سړک (۷۲۸) متره اوږدوالی او (۴۰) متره سور لري، چې په اوږدو کې یې د (۷۵۰) مترو په اوږدوالي، یو متر سور او (۱.۳) مترو په ژوروالي سره یو کانال، لښتی، پلې لارې، ګلدانونه، د بایسکل چلولو لیکې، کرښو اچول او د یوه معیاري سړک نورجزیات هم شامل دي، چې په جوړېدو سره به یې د سیمې د اوسېدونکو پر وړاندې شته موسمي ستونزې حل او د سیمې اقتصادي ودې ته به زمینه برابره شي. د یادونې وړ ده چې، یاد سړک په اوږدو کې د یو شمېر استملاکي ملکیتونو د پاکولو چارې به هم ډېر ژر پیل شي