د شپږمې او اوومې ناحیې اړوند له دارالامان مانۍ څخه تر فیصل ښارګوټي پورې د ګل باغ سړک د لومړۍ برخي د جوړولو او پراختیا چارې په بنسټيزه توګه روانې دي او هڅه کیږي چې هر څه ژر قیر کولو ته چمتو شي. د کابل ښاروالۍ د برنامو او پروژو د تنظیم ریاست د مسئولینو په وینا؛ دغه سړک چې، (۳۱۷۶) متره اوږدوالی او (۳۳) متره سور لري، د یوه معیاري سړک د ټولو برخو په ګډون به د روان کال په بهیر کې جوړ او ګټې اخیستنې ته وسپارل شي. یاد سړک د ښار د معیاري او تلپاتې ودې او د ترانسپورتي آسانتیاوو رامنځته کولو په موخه، له ځانګړي اهمیت څخه برخمن دی او په راتلونکې کې به تر کابل- لوګر سړک پورې دوام ورکړل شي