د کابل ښاورالۍ د کار، ساتنې او مراقبت ریاست لخوا د شپږمې ناحیې اړوند ملي موزیم ته څېرمه د سړک د بیارغونې چارې پیل شوې. د سړکونو د بیارغونې آمر انجنیر شریف الله قادري په دې هکله وویل: د یاد سړک ځینې برخې چې د وخت په تېرېدو زیانمنې شوې دي، تر تخنیکي او فني مطالعاتو وروسته یې د پرمختللې ماشینرۍ په وسیله په اساسي توګه د بیارغولو چارې پیل شوې. نوموړي زیاته کړه، دغه سړک چې (۹۰۰) متره اوږدوالی او له (۹) څخه تر (۱۲) مترو پورې سور لري، دواړو خواوو ته یې د لښتيو بیا رغول او د جدولونه نصبول هم شامل دي. د ملي موزيم سړک د دهمزنګ – دارالامان سړک څخه پيل او د کليو د پراختيا وزارت له مخي څخه د پل سوخته – دارالامان سړک سره نښلول شوی دی