د سطحي اوبو د مدیریت او د لښتیو پاکولو پر مهال دآسانتیاوو رامنځته کولو په موخه، د کابل ښاروالۍ د کار، ساتنې او مراقبت ریاست له لوري د پنځمې او شپږمې ناحیې اړوند د کوټه سنګي- پُل سوخته- دارالامان سړک په اوږدو کې (۳۲) منهولونه ( د لښتیو په اوږدو کې مقطع) جوړل شول. د سړکونو د بیارغونې آمر انجنیر شریف الله قادري په دې اړه وویل: دغه کار د زیانمنونکو برخو تر پېژندلو وروسته چې، سړکونو ته د اوبو راختلو لامل ګرځي په معیاري توګه ترسره شو. نوموړي زیاته کړه چې، د اړتیا په صورت کې به د یاد سړک په اوږدو کې لښتي په آسانه توګه پاک شي او بیا ځلي به په یادو سیمو کې سړکونو ته د اوبو راختلو شاهدان و نه اوسو. د سطحي اوبو د مدیریت په پروژه کې، د سطحي اوبو د سیستمونو ساتنه او بیارغونه، د منهولونو او سلبونو جوړول او له کانالونو سره د لښتیو نښلول شامل دي چې، د ښار په زیانمنونکو برخو کې د پلې کېدو په حال کې ده