د نهمې ناحیې اړوند د هوایي ډګر له څلورلارې څخه د کابل – جلال آباد سړک په اوږدو کې تر ګمرک سیمې پورې د نوي نښلوونکي سړک د خاورینې برخې د جوړولو چارې روانې دي. دا مهم سړک د ۲۷۹۴ مترو په اوږدوالي او د ۶۰ مترو په سور سره د ۱۴۵۰ مترو په اوږدوالي، له ۲ څخه تر۲.۵ مترو پورې په سور او د۱.۱۰ او ۱.۶۰ مترو په ژوروالي سره د یوه کانال، د ۴۲ او ۵۰ مترو په اوږدوالي او له یو څخه تر۳ مترو پورې په سور سره د (۳) کوچنیو پلونو په ګډون جوړېږي. په همدې توګه د سړک جوړونې په دې پروژه کې لښتي، ګلدانونه، د بایسکل چلولو لیکې، تم ځایونه او د یوه معیاري سړک نور جزئیات هم په پام کې نیول شوي دي چې، د راتلونکي کال تر نیمايي پورې به یې چارې بشپړې شي. د دې سړک په جوړېدو سره به د کابل- جلال آباد سړک، مکروریانو څلورلارې، صحت عامې څلورلارې د او هوايي ډګر د څلورلارې ترافیکي حجم ووېشل شي او د سیمو اقتصادي ودې ته به زمینه برابره شي