ښاریانو ته د ټولنیزو آسانتیاوو رامنځته کولو په موخه، د نهمې ناحیې اړوند د ۱۱م ګذر د قلعه سادات او ۱۸م ګذر قلعه وزیر په سیمو کې دکانکریټ کولو دوه پروژې بشپړې او د کابل ښاروالۍ د پروژو او برنامو د رئیس انجنیر میرالرحمن ناصري، دنهمې ناحیې مرستیال عبدالغفور غفوري او دسیمې د یو شمېر مشرانو له خوا ګټې اخیستنې ته وسپارل شوې. د برنامو او پروژو د تنظیم رئيس په دې اړه وويل: په ١١م ګذر کې کوڅې (٨٥٠) متره اوږدوالى او له (٣ ) څخه تر(٣.٥) مترو پورې سور او په ١٨م ګذر کې کوڅې (٥١٣) متره اوږدوالی او له (٤) تر (٤،٥) متره سور لري چې، د لښتیو په ګډون د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د څه باندې (۹،۶) میلیونه افغانیو په لګښت د دریو میاشتو په موده کې جوړې شوې دي. نومړي زياته کړه، چې په راتلونکي کې به د ښاريانو د ستونزو د هوارولو په موخه ورته نورې پروژې هم طرحه او پلي کړي. دغه راز د نهمې ناحيې مرستيال وويل، چې دغه پروژې د يادو سيمو د اوسېدونکو د ستونزو د حل په برخه ځانګړې اهميت لري، اوس دوی ته یو سالم ښاري چاپېریال او ګڼې آسانتیاوې رامنځ ته شوې دي او ښاریان باید له کابل ښاروالۍ سره د نویو جوړو شویو کوڅو په ساتنه کې مرسته وکړي تر څو یې د ژر ویجاړیدو مخه ونیول شي