د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د اتمې ناحیې د پنځم ګذر د کارته نو تپې په سیمه کې د یو فرعي سړک کانکریټ چارې بشپړې او ګټې اخیستنې ته وسپارل شو. د اتمې ناحيې مرستيال مولوي نورالحق حنفي په دې اړه وويل: دغه پروژه د يادو سيمو اوسېدونکو د ستونزو د هوارولو په برخه کې ځانګړې اهميت لري او اوس دوی یو سالم ښاري چاپېریال او ترانسپورتي زیربناوو ته لاسرسی موندلی دی. نوموړي د سیمې له اوسېدونکو څخه هيله څرګنده کړه، چې د خپلو سړکونو په ساتنه کې له کابل ښاروالۍ سره مرسته وکړي، څو یې د ژر ويجاړيدو مخه ونيول شي. همدارنګه د کابل ښاروالۍ د برنامو او پروژو د تنظیم ریاست د غیر اختیاري پروژو آمر انجنیر ذبیح الله رحیمي وویل: دغه فرعي سړک چې، (۸۰۵) متره اوږدوالی او (۵.۴) متره سور لري، د لښتیو په ګډون د (۸،۷) میلیونه افغانیو په لګښت د (۶) میاشتو په موده کې په اساسي ډول جوړ شوی دی