د وزیرآباد کانال د جوړولو چاري دوام لري

 
د وزیر آباد سترکانال جوړولو چاري چي د دریم پروان څلورلاري څخه ترهوايي ډګرختیځ پوري موقعیت لري او د ۱۳۹۷کال په لومړیو کې پيل شوی وي دوام لري.
دغه کانال د ۷کیلومتره په اوږدوالي د ۵ تر ۱۰ مترو پلن والي او ۳ تر ۴ مترو ژوروالي سره او د کانال دواړو خواوو ته د کانکریټی سرپټو سلب او فلزی کټارو په درلودلو سره د کورنیو او بهرنیو متخصیصینو د فني او مسلکي اړهرخیزو څیړنو وروسته ډیزاین شوی، چي د ۱۰،۱۱،۱۷،۱۵،۴ او ۲ ناحیو د اورښتونو اوبه به لیږدوي چي جوړیدو سره به يي د سړکونو او کورونو د ژر ویجاړیدو څخه مخنیوي وشي او اوبه به نه ډنډ کیږي.
دا په داسي حال کي ده چي کابل ښاروالۍ د اورښتونو موسم د اوبو مدیریت له پاره د ښار په اوږدو کې د ماسترپلان په جوړیدو اخته ده چي د ماسترپلان جوړیدو سره سم به د ډیري کانالونو د جوړیدو چاري پيل شي.