د اوومې ناحیې اړوند د ده دانا له بازار څخه د چهلستون تر سړک پورې د ۱۳۴۸ مترو په اوږدوالي او ۳۰ مترو په سور د سړک جوړولو چارې په ښه کیفیت او چټکتیا سره روانې دي، او هڅه کېږي هرڅه ژر قیر او د ترافیکو پر مخ پرانیستل شي. د کابل ښاروالۍ د برنامو او پروژو د تنظیم ریاست د معلوماتو له مخې؛ د سړک جوړولو په دې پروژه کې د کانالونو، لښتيو، پلو لارو، ګلدانونو جوړول او د یوه معیاري سړک نور جزئیات شامل دي چې، د ژمي تر را رسېدو وړاندې به بشپړ او ګټې اخیستنې ته وسپارل شي