د کابل ښاروالۍ د کار، ساتنې او مراقبت ریاست له لوري د شپږمې ناحیې اړوند د لومړي ګذرپه کارته سه سیمه کې د پنځو فرعي سړکونو د جوړولو چارې په ښه کیفیت او چټکۍ سره روانې دي. دغه سړکونه چې په ټولیزه توګه (۱۱۲۸) متره اوږدوالی او له (۱۶ )څخه تر (۲۰) مترو پورې سور لري، د جوړولو چارې به یې د روان کال په بهیر کې بشپړې او ګټې اخیستنې ته وسپارل شي. د دغو سړکونو په جوړېدو سره به له یوې خوا په ورڅېرمه سړکونو کې ترافیکي ستونزې هوارې او بل خوا به د سیمې اوسېدونکو ته ګڼې ټولنیزې او ښاري آسانتیاوې رامنځته شي