د کابل سیند په اوږدو کې له پُل سوخته څخه د پُل سرخ په لور د نوي نښلوونکي سړک د جوړولو چارې چې، څه موده وړاندې پیل شوې وې؛ ښه کاري پرمختګ لري او ټاکل شوې ده قیر چارې یې ډېر ژر ترسره شي. د کابل ښاروالۍ د برنامو او پروژو د تنظیم ریاست د معلوماتو پر بنسټ؛ دغه سړک چې (۹۱۰) متره اوږدوالی او (۳۰) متره سورلري د لښتیو، پلو لارو، ګلدانونو او د یوه معیاري سړک د نورو برخو په ګډون به د روان کال په بهیر کې جوړ شي. د یادونې وړ ده چې، د دې سړک په اوږدو کې د (۳۰) مترو په اوږدوالي او (۲۰) مترو په سور سره د کابل ښاروالۍ له لوري د یوه پله د جوړولو چارې هم روانې دي چې، په بشپړېدو سره به یې د سیمې اوسېدونکو ته د تګ راتګ په برخه کې آسانتیاوې رامنځته شي