په ښاري سیمو کې د ترافیکي بهیر پر وړاندې د ستونزو د حل په موخه، د لسمې ناحیې اړوند د شېرپور سړک د جوړولو او پراختیا لومړنۍ چارې پیل شوې. دغه سړک چې، (۶۴۶) متره اوږدوالی او (۲۰) متره سور لري، اوس مهال یې د خنډونو په پاکولو، کیندنې او خاورې لېږدولو کار روان دی. یاد سړک چې د کابل ښار د سړکونو شبکې د اصلاحي پلان له مخې جوړیږي، د شیر پور له دویم سړک څخه د شهرنو تر شهید څلورلارې پورې غځېدلی دی ، چې چارې به یې د روان کال په بهیر کې په معیاري توګه بشپړې او ورسره جوخت به په یاده سیمه کې ترافیکي ګڼه ګوڼه د پام وړ کمښت ومومي. کابل ښار اوس مهال د پرمختګ په حال کې دی او اړتیا ده چې، ترافیکي او ترانسپورتي زیربناوې یې جوړې او پراختیا ومومي