د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د ۱۹مې ناحیې د درېیم، څلورم او شپږم ګذر اړوند د تنګي غارو، تخنیک اکاډمۍ او ملا محمد بابا په سیمو کې د کانکریټي کوڅو د جوړولو درې پروژې بشپړې او ګټې اخیستنې ته وسپارل شوې. د کابل ښاروالۍ د برنامو او پروژو د تنظیم ریاست د غیر اختیاري پروژو د څارنې آمر انجنیر ذبیح الله رحیمي ددغو پروژو په اړه وویل: په درېیم ګذر کې کوڅه ( ۱۰۵۵) متره اوږدوالی، په څلورم ګذر کې کوڅه (۱۰۶۷) متره، په شپږم ګذر کې کوڅه (۵۳۰) متره اوږدوالی او له (۳.۵) څخه تر (۶) مترو پورې سور لري، چې د لښتیو جوړولو په ګډون په ټولیزه توګه د (۲۳،۷) میلیونه افغانیو په لګښت د څلور میاشتو په موده کې جوړ او ورسره جوخت د سیمو د اوسېدونکو پر وړاندې شته موسمي ستونزې هوارې او دوی ته ټولنیزې آسانتیاوې برابرې شوې دي. ښاغلي رحیمي هيله څرګنده کړه، چې د يادو ګذرونو اوسېدونکي به د خپلو نويو جوړو شويو کوڅو په ساتنه کې له کابل ښاروالۍ سره مرسته وکړي، څویې د ژر ويجاړيدو مخه ونيول شي