ښاریانو ته د ټولنیزو آسانتیاوو رامنځته کولو په موخه، د کابل ښاروالۍ له خوا او د ملګرو ملتونو د پروژوي خدمتړنو د دفتر په مرسته، د اتمې ناحیې اړوند د ۴۸م ګذر د تور سړک په سیمه کې د یو فرعي سړک د جوړولو چارې پیل شوې. د سړک جوړونې په دې پروژه کې چې، (۸۶۵) متره اوږدوالی او (۵.۵) متره سور لري، د یوه پله او د (۱۰۰) مترو په اوږدوالي د استنادي دیوال جوړول هم شامل دي، چې د لښتیو په ګډون به د (۳) میاشتو په موده کې بشپړ او ورسره جوخت به د سیمې د اوسېدونکو پروړاندې شته ستونزې هوارې شي. همدارنګه په دې پروژه کې یو شمير هیوادوالو ته د کار زمینه هم برابره شوې ده.