د نهمې ناحیې اړوند د هوایي ډګر له څلورلارې څخه د کابل – جلال آباد سړک په اوږدو کې تر ګمرک سیمې پورې د (۲۷۹۴) مترو په اوږدوالي او (۶۰) مترو په سور سره د نوي نښلوونکي سړک د جوړولو چارې په چټکۍ سره روانې دي. د کابل ښاروالۍ د برنامو او پروژو د تنظیم ریاست د معلوماتو له مخې؛ د سړک جوړونې په دې پروژه کې د لښتيو، ګلدانونو، د بایسکل چلولو لیکو، تم ځایونو جوړول او د یوه معیاري سړک نور جزئیات هم شامل دي چې د ژمي تر را رسېدو وړاندې به یې د یوې لیکې قیر چارې ترسره او د ترافیکو پرمخ به پرانیستل شي