د شپږمې ناحیې اړوند له پُل سوخته څخه د پُل سرخ په لور د نوي نښلوونکي سړک قیر چارې د بنستیزو چارو تر بشپړېدو وروسته پیل شوې. د کابل ښاروالۍ د برنامو او پروژو د تنظیم ریاست د زیربنايي پروژو د څارنې آمر انجنیر محمد حامد سادات په دې اړه وویل: د یاد سړک قیر چارې د موادو تر څېړلو او لابراتوار وروسته پیل شوې چې ډېر ژر به د ترافیکو پر مخ پرانیستل شي. نوموړي زیاته کړه، دغه سړک چې (۹۱۰) متره اوږدوالی او (۳۰) متره سورلري، قیر چارې به یې په دوو طبقو (لومړۍ او دویمه) کې ترسره شي او له بېلابېلو پړاونو څخه یې په دوامداره توګه فني او تخنیکي څارنې کیږي. د یادونې وړ ده چې، د دې سړک په اوږدو کې د کابل ښاروالۍ له لوري د (۳۰) مترو په اوږدوالي او (۲۰) مترو په سور سره د یوه پله د جوړولو چارې هم روانې دي چې ډیر زر به بشپړې شي