د ښار د معیاري ودې او ښاریانو ته د ترانسپورتي آسانیتاوو رامنځته کولو په موخه، د کابل ښاروالۍ له لوري په ټولیزه توګه د ۱۱۶۰ مترو په اوږدوالي او له ۱۲ څخه تر ۱۳.۵ مترو په سور سره د وزیرمحمد اکبرخان سیمې د دیارلسم، څوارلسم او پنځلسم سړک د جوړولو چارې روانې دي. د کابل ښاروالۍ د پروژو او برنامو د تنظیم ریاست د معلوماتو له مخې؛ دغه سړکونه به د لښتیو او پلو لارو په ګډون تر راتلونکو پنځو میاشتو پورې له کانکرېټ څخه په اساسي توګه جوړ او ورسر جوخت به د سیمې د اوسېدونکو پروړاندې شته ستونزې هوارې او په ترافیکي بهیر کې به مثبت بدلون رامنځته شي