د دولسمې ناحیې اړوند له محبس څلورلارې څخه د سلیم کاروان تر سړک پورې د نوي نښلوونکي سړک د جوړولو چارې، چې څه موده وړاندې د کابل ښاروالۍ له لوري پیل شوې وې، ښه کاري پرمختګ لري او هڅه کیږي ترڅو د روان کال په بهیر کې جوړ او ګټې اخیستنې ته وسپارل شي. د کابل ښاروالۍ د برنامو او پروژو د تنظیم ریاست د معلوماتو پر بنسټ؛ دغه سړک چې (۲۰۰۹) متره اوږدوالی، (۲۴، ۳۰ او ۴۰) متره سور لري، د لښتیو، پلو لارو، د بایسکل چلولو لیکو، ګلدانونو، په سړک د کرښو اچولو، ترافیکي نښو نصبولو او د یوه معیاري سړک د نورو برخو په ګډون د جوړېدو په حال کې دی چې، ورسره جوخت به د سیمې اقتصادې ودې ته زمینه برابره او اوسېدونکو ته به یې ګڼې ټولنیزې او ښاري آسانتیاوې رامنځته شي