د کابل ښاروالۍ له لوري د ملګرو ملتونو د ( UNHCR) دفتر په مرسته د پنځمې ناحیې د شپږم ګذر اړوند د خوشحال خان مېنې د ج برخې په سیمه کې د یوه تفریحي پارک د جوړولو چارې چې، څه موده وړاندې پیل شوې وې،۹۷ سلنه کاري پرمختګ لري او ټاکل شوې ده ډېر ژر یې کار بشپړ او ګټې اخیستنې ته وسپارل شي. دا پارک په ۴۷۲۰ متر مربع ځمکه د احاطې، پلو لارو، چمن کرلو، نیالیګو کېنولو، اوږدو څوکیو نصبولو، کانتین، زرغونې سیمې او سپورتي او تعلیمي چاپېریال په درلودلو سره د جوړېدو په حال کې دی