د کابل ښاروالۍ د کار، ساتنې او مراقبت ریاست له لوري، له لب جر څخه تر سرای شمالي پورې (د سلطان محمود غزنوي د سړک پر دوام) د سړک د بنسټیزې برخې د جوړولو چارې روانې دي. یاد سړک چې، (۲۱۲٠) متره اوږدوالی او (۸۰ ) متره سور لري، د کانالونو، لښتیو، پلو لارو، د بایسکل چلولو لیکو او ګلدانونو په ګډون په دوه اصلي او دوه فرعي لیکو کې د جوړېدو په حال کې دی. د کابل ښاروالۍ د کار، ساتنې او مراقبت ریاست د مسئولینو په وینا؛ هڅه کیږي ترڅو د یاد سړک اصلي لیکې د روان کال او فرعي لیکې یې د راتلونکي کال په بهیر کې جوړې شي