د کابل ښاروالۍ د کار، ساتنې او مراقبت ریاست له لوري د څلورمې ناحیې اړوند له تهیه مسکن څخه تر سرای شمالي پورې د سړک د فرعي لیکو د جوړولو چارې په دوه کاري وختونو ( شپه او ورځ) کې په چټکۍ سره روانې دي ترڅو قیر چارو ته چمتو شي. دا سړک دواړو خواوو ته د ۹۰۰ مترو په اوږدوالي او په دوه لیکو کې د ۱۴.۵ مترو په سور چې، ۶.۴ متره برخه د موټرو د تګ راتګ لپاره او پاتې نوره یې پلو لارو، ګلدانونو، د پلو لارو دهلیزونو، د بایسکل چلولو لیکو او ترافیکي نښو ته ځانګړې شوې ده د جوړوېدو په حال کې دی. ددغو فرعي سړکونو په جوړېدو سره به په سرای شمالي او ورڅېرمه سیمو کې ترافیکي ستونزې هوارې او د سیمو د اقتصادي ودې سربېره به ښاریانو ته ترانسپورتي آسانتیاوې رامنځته شي