د کابل ښاروالۍ له لوري او د ملګرو ملتونو د پروژوي خدمتونو د دفتر په مرسته، د پنځلسمې ناحیې اړوند د دیارلسم ګذر په خواجه بغرا سیمه کې د یوه فرعي سړک د جوړولو چارې پیل شوې. د پنځلسمې ناحیې رئیس انجنیر عبیدالله شېرزاد په دې اړه وویل: د دغې پروژې په پلي کېدو سره به د سیمې د اوسېدونکو ګڼې ستونزې هوار او ترانسپورتي آسانتیاوو ته به لاس رسی ومومي. نوموړي زیاته کړه چې، مخکې د دې سړک د خاموالي له امله د سیمې اوسېدونکي له ګڼو ستونزو سره مخ ؤ. دغه سړک چې (۹۷۰) متره اږدوالی او له (۴) څخه تر (۵) مترو پورې سور لري، د لښتیو په ګډون به یې د جوړولو چارې تر راتلونکو څلورو میاشتو پورې بشپړې شي. ورته مهال د سیمې اوسېدونکو د یادې پروژې د چارو له پیل کېدو خوښي وښوده او ژمنه یې وکړه چې د پروژو په پلي کولو کې به له کابل ښاروالۍ سره خپلې هیڅ راز مرستې و نه سپموي