د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د اوومې ناحیې اړوند د ۲۲م ګذر په قلعه غیبي سیمه کې د کوڅو جوړولو چارې پیل شوې. د کابل ښاروالۍ د برنامو او پروژو د تنظیم ریاست د معلوماتو پر بنسټ؛ دغه کوڅې چې په ټولیزه توګه (۹۸۳) متره اوږدوالی او (۴) متره سور لري، د جوړولو چارې به یې د (۹۰) کاري ورځو په موده کې په بنسټیزه توګه بشپړې شي. د ښار په کچه د کوڅو په جوړېدو سره به له یوې خوا د هوا په ککړتیا کې کمښت راشي او له بلې خوا به ښاریان پاک او سالم چاپېریال ته لاس رسی ومومي. د یادونې وړ ده چې، په دې پروژه کې یو شمېر هېوادوالو ته د کار زمینه هم برابره شوې ده