د کابل ښاروالۍ د کار ساتنې او مراقبت ریاست له لوري تر بنسټیزو چارو او خاورینې برخې وروسته د شپږمې ناحیې د لومړي ګذر اړوند په کارته سه سیمه کې د پنځو فرعي سړکونو قیر چارې پیل شوې. دا سړکونه په ټولیزه توګه ۱۱۲۸ متره اوږدوالی او له ۱۶ څخه تر ۲۰ مترو پورې سور لري چې، د پلو لارو جوړولو په ګډون به یې قیر چارې ډېر ژر بشپړې او د ترافیکو پر مخ به پرانیستل شي. د دې سړکونو په جوړېدو سره به د سیمې د اوسېدونکو د خاورو او خټو ستونزې هوارې او یو شمېر ترانسپورتي آسانتیاوو ته به لاس رسی ومومي. په همدې توګه د کارته سه سیمې ترافیکي بهیر وېشل کېدو سربېره به ښاریانو ته د تګ راتګ په برخه کې هم آسانتیاوې رامنځته شي