د دولسمې ناحیې اړوند د احمد شاه بابا مېنې د دویم بلاک له ګولایۍ څخه د امنیت ښارګوټي تر سړک پورې د ۷۲۸مترو په اوږدوالی او ۴۰ مترو په سور سره د نوي نښلوونکي سړک د جوړولو چارې روانې دي. د کابل ښاروالۍ د برنامو او پروژو د تنظیم ریاست د معلوماتو له مخې؛ د یاد سړک په اوږدو کې د ۷۵۰ مترو په اوږدوالي، د یو متر په سور او د ۱.۳ مترو په ژوروالي سره د یوه کانال د جوړولو چارې هم روانې دي. د لښتیو، ګلدانونو او د بایسکل چلولو لیکو جوړول، په سړک د کرښو اچول او د یوه معیاري سړک نورې برخې هم په یاده پروژه کې شاملې دي چې، چارې به یې تر راتلونکو شپږ میاشتو پورې بشپړې او ورسره جوخت به د احمدشاه بابا مېنې او امنیت ښارګوټي د اوسېدونکو ګڼې ستونزې هوارې او د سیمې اقتصادي ودې ته به زمینه برابره شي