د کابل ښاروالۍ د کار، ساتنې او مراقبت ریاست له لوري د درېیمې او شپږمې ناحیې ترمنځ د پُل سوخته - پُل سرخ سړک په اوږدو کې د کابل سیند د پاسه د موټرو د تګ راتګ لپاره د یوه پله د جوړولو چارې په چټکۍ سره روانې دي. دغه پُل چې د طرحه شوي ډېزاین له مخې (۳۰)متره اوږدوالی او په دوه لینونونو کې (۲۰)متره سور لري، د جوړولو چارې به یې د روان کال په بهیر کې بشپړې شي. همدا راز د یادو سیمو ترمنځ د (۹۱۰) مترو په اوږدوالي او (۳۰)مترو په سور سره د نښلوونکي سړک د جوړولو چارې هم روانې دي چې، د ژمي تر را رسېدو وړاندې به بشپړې شي. د یاد پله او سړک په جوړېدو سره به ښاریانو ته د تګ راتګ په برخه کې آسانتیاوې رامنځته او د ورڅېرمه سړکونو ترافیکي بهیر به ووېشل شي