د بنسټیزو چارو تر بشپړېدو او او د اړتیا وړ موادو تر آزمویښت وروسته، د خیرخانې کوتل سړک د دویمې برخې قیر چارې پیل شوې. د کابل ښاروالۍ د برنامو او پروژو د تنظیم ریاست د زیربنايي پروژو د څارنې آمر انجنیر محمد حامد سادات په دې اړه وویل وویل: دغه سړک چې، (۲۵۲۰) متره اوږدوالی او (۶۰) متره سور لري، د یوې لیکې (۷۰۰) متره برخه یې قیر کولو ته چمتو شوې ده او د پاتې برخې په جوړولو یې کار روان دی ترڅو هغه هم قیرکولو ته چمتو شي. نوموړي زیاته کړه چې، د دې سړک په اوږدو کې د ګڼه ګوڼې ستونزې په پام کې نیولو سره هڅه کیږي ترڅو په هره ممکنه طریقه د دې سړک د یوې لیکې قیر چارې د ژمي تر را رسېدو وړاندې بشپړې او د ترافیکو پرمخ پرانیستل شي. یاد سړک چې د لښتیو، پلو لارو، ګلدانونو، په سړک د کرښو اچولو، د ترافیکي نښو نصبولو او د یوه معیاري سړک د نورو برخو په ګډون جوړیږي، له بېلابېلو پړاوونو څخه یې د کابل ښاروالۍ انجنیران پر وخت تخنیکي او فني څارنې کوي ترڅو یې چارې په ښه کیفیت او له ټاکل شوې مودې څخه وړاندې (د قرارداد موده، د ۱۴۰۴ کال د لړم تر میاشتې) بشپړې شي