د کابل ښاروالۍ له لوري اود ملګرو ملتونو د پروژوي خدمتونو د دفتر په مرسته، د نهمې ناحیې اړوند د نهم ګذر په قلعه بای سیمه کې د (۳) کوڅو د جوړولو چارې پیل شوې. دغه کوڅې چې په ټولیزه توګه (۷۵۰) متره اوږدوالی، (۳) او (۴) متره سور لري، د لښتیو په ګډون به د دوه نیمو میاشتو په موده کې په بنسټیزه توګه جوړې او ورسره جوخت به د سیمې د اوسېدونکو پر وړاندې شته سیمه ییزې ستونزې هوارې او ګڼې ښاري آسانتیاوې به ورته رامنځته شي. د یادونې وړ ده چې، په دې پروژه کې یو شمېر ښاریانو ته د کار زمینه هم برابره شوې ده