د ظرفیت لوړولو څلور ورځنی رونیز ورکشاپ چې د کابل ښاروالۍ د بشري سرچینو ریاست له خوا د دې ادارې د کار، ساتنې او څارنې، ښاري زیربناوو، د برنامو او پروژو د تنظیم ریاستونو کارکوونکو لپاره (د ادارې او مدیریت اساسات) تر سرلیک لاندې په لاره اچول شوی ؤ، په بریالیتوب پای ته ورسید. د بشري سرچینو ریاست د ظرفیت لوړونې آمر حمیدالله عطايي په دې اړه وویل: په دغه ورکشاپ کې ګډونوالو ته د سازماني اړیکو، په ذهن او نفس د وړتیا لوړولو، د ادارې او مدیریت د اصولو د پېژندنې، پلان جوړونې، د کاري ستونزو د حل او د دوی د دندو اړوند نورو موضوعاتو په اړه معلومات ورکړل شول. نوموړي زیاته کړه چې، د فردي مدیریت غښتلي کول، دبرنامو جوړول او د کارکوونکو ترمنځ د همکارۍ او همغږۍ روحیې د پیاوړتيا څرنګوالی د یاد ورکشاپ د آزاد بحث برخه وه چې، د دندو په ترسره کولو کې له ځانګړي اهمیت څخه برخمن دي. د دا ډول ورکشاپونو د جوړیدو موخه، د کاري مهارتونو د کچې لوړول دي ترڅو کارکوونکي خلکو ته په ریښتني توګه د ښاري چوپړتیاوو وړاندې کولو ته چمتو شي