کابل ښاروال مولوي عبدالرشید تېره ورځ ماښام د خیرخانې کوتل سړک د دویمې برخې له قیرچارو لیدنه وکړه او د قراردادي شرکت پر مسئولینو یې ټینګار وکړ چې، د دې سړک د یوې لیکې قیرچارې دې د ژمي تر را رسېدو وړاندې بشپړې او د ترافیکو پرمخ دې پرانیستل شي. دغه سړک چې، (۲۵۲۰) متره اوږدوالی او (۶۰) متره سور لري، د بنسټیزو چارو تر بشپړېدو وروسته یې د (۷۰۰) مترو په اوږدوالي د یوې لیکې قیر چارې پیل شوې دي او د پاتې برخې په جوړولو یې کار روان دی ترڅو هغه هم قیر کولو ته چمتو شي. کابل ښاروال د یاد سړک په اوږدو کې د ګڼه ګوڼې له امله د رامنځته شویو ستونزو په درک کولو سره مسئولینو ته سپارښتنه وکړه چې، له هر ممکن فرصت څخه په ګټه اخیستلو دې د یادې پروژې چارې تر راتلونکي نږدې یوه کال پورې بشپړې شي