د څلورمې او اوولسمې ناحیو اړوند د بادام باغ سړک د جوړولو او پراختیا چارې روانې دي او هڅه کیږي ترڅو هر څه ژر قیر کولو ته چمتو شي. دغه سړک چې د سرای شمالي له څلورلارې څخه د نادریې لېسې تر څلورلارې پورې (۳۲۸۹) متره اوږدوالی،(۲۰) او (۳۰) متره سور لري، د لښتیو، پلولارو، ګلدانونو، څراغونو او د کرښې اچولو په ګډون جوړېږي. د کابل ښاروالۍ د برنامو او پروژو د تنظیم ریاست انجینران د یادې پروژې د کار له کیفیت څخه په بېلابېلو پړاونو کې تخنیکي او فني څارنې کوي. د دې نښلوونکي سړک په جوړېدو سره به له یوې خوا د سرای شمالي او پروان سه څلورلارو او ورڅېرمه سیمو کې ترافیکي ګڼه ګوڼه کمښت ومومي او بله خوا به د کابل ښار اقتصادي ودې ته زمینه برابره شي