د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د اوومې ناحیې د دوه ویشتم ګذر اړوند په قلعه غیبي سیمه کې د کوڅو جوړولو چارې روانې دي. د کابل ښاروالۍ د برنامو او پروژو د تنظیم ریاست د معلوماتو پر بنسټ؛ دغه کوڅې چې په ټولیزه توګه (۹۸۳) متره اوږدوالی او (۴) متره سور لري ، د لښتیو په ګډون به د راتلونکې یوې نیمې میاشتې په موده کې جوړې او ورسره جوخت به د سیمې د اوسېدونکو پر وړاندې شته ترانسپورتي او ټولنیزې ستونزې هوارې شي. د یادونې وړ ده چې، په دې پروژه کې یو شمېر هېوادوالو ته د کار زمینه هم برابره شوې ده