د شپږمې ناحیې اړوند له پُل سوخته څخه د پُل سرخ په لور د (۹۱۰) مترو په اوږدوالي او (۳۰) مترو په سور سره د نوي نښلوونکي سړک قیر چارې روانې دي. د کابل ښاروالۍ د برنامو او پروژو د تنظیم ریاست د مسئولینو په وینا؛ د دې سړک لومړۍ طبقه قیرچارې چې، څه موده وړاندې پیل شوې وې د (۵۸۵) مترو په اوږدوالي برخه یې بشپړه شوې ده او اوس یې دویمه طبقه قیر چارې روانې دي. ورته مهال د یاد سړک د پاتې بنسټیزې برخې په جوړولو هم کار روان دی ترڅو هغه هم قیر کولو ته چمتو شي. د کابل ښاروالۍ انجنیران د دې پروژې له بېلابېلو پړاونو څخه فني او تخنیکي څارنې ترسره کوي. دغه راز د زیربنايي پروژو د څارنې آمر انجنیر محمد حامدسادات په دې اړه وویل: د یاد سړک قیر چارې په لابراتوار کې د اړتیا وړ توکو تر آزمایښت وروسته پیل شوې چې ډېر ژر به بشپړې او د ترافیکو پر مخ پرانیستل شي. د یادونې وړ ده چې، د دې سړک په اوږدو کې د کابل ښاروالۍ له لوري د (۳۰) مترو په اوږدوالي او (۲۰) مترو په سور سره د یوه پله د جوړولو چارې هم روانې دي چې ډیر زر به بشپړې شي